網紅的藏寶箱//我是陳小明，今天是35歲生日，同事們買了一個小蛋糕替我慶祝，可惜吃蛋糕時大家苦埋口面。因為剛收到小道消息，大老闆經過第二輪保就業計劃之後，公司資金所餘無幾，很快就會炒掉一批員工，以節省開支。
當一想起踏入35歲的生日，我就出現無力的感覺。曾聽過職場上的「35歲危機」，找工作嫌老，想退休嫌小，如果工作沒有技術含量，職位未做到管理層，加上習慣工作模式變成老油條，跌入慣性及舒適區，就會變成職場老人受到淘汰。以我自己為例，人工從2008年大學畢業時金融海嘯的八千元，升至目前兩萬五，而公司二十多歲的小伙子，人工只是我的一半，工作性質及能力與我差不多，於是我開始懷疑，公司會否炒掉我，然後以相同人工，聘請兩個年輕十年的人？例如我聽過一些國內機構，招聘非管理層的員工，就只會要35歲以下的人。至於五十多歲的管理層，自己知自己事，我根本冇料取代他們的位置。
腦內不停想着這個問題，轉眼之間已經到了晚上八點，很多同事仍然未走，但其實大家只是「扮工」。公司業務較去年跌了六成，手上邊有咁多工作？每天繼續「鬥夜走」的原因，只是擔心如果唔扮，第一個被炒就是自己。不過今天是我生日，扮工的演藝生涯，暫停一晚吧。
回家與老婆及兩歲多的兒子，吃過晚飯及生日蛋糕後，老婆開始發出抱怨聲音：「今天你個寶貝仔，又給多一間幼稚園Rejected啦！我以前很多舊同學的孩子，都已經得到名校的offer，你個仔現在一個offer都冇，點算呀？我要再幫他報多兩三個興趣班，考多幾個專業試，才唔會輸給其他小朋友。」
「但我們邊有咁多錢啊？」我雖然十分疲倦，但仍繼續講下去：「妳上個月才被公司裁員，現在得返我一份人工，交租用咗一半，重要俾我亞爸亞媽家用，以及妳亞爸亞媽家用，每月菲傭四千多元的開支，也是靠信用卡透支頂住，重邊有錢學興趣班？我一份糧要養八個人，好難頂啊！」
「你估我好想被人炒呀！最衰都係你一直冇買樓，又唔識炒股票，至搞到今日的田地！」老婆開始發難了：「我舊同學的老公跟你的年齡差不多，十年前問老竇借首期買第一間樓，而家已經揸住幾層樓收租，去年在股市又賺了幾百萬，老婆唔使返工日日Happy，邊似你咁霉呀？」
「呢個世界黐線㗎，經濟越來越差，但股市及樓市就越升越有！」我開始爆發了，但明白與老婆辯論是死亡行為，於是走落街買了兩罐啤酒，喝幾口後不禁黯然落淚。你估我唔想買樓咩？剛畢業時買唔起，於是努力儲錢，但一直追不到樓價，可以點？結婚後就更加惡劣，每個月都入不敷支，邊有錢買股票？我也想找一份更高收入的工作，但轉行怕離開Comfort Zone，本身行業環境轉差，寫了五十封求職信都沒有回音，可以點？至於考慮移民，我冇乜專長，在歐美肯定搵唔到工，去台灣每月工資連香港一半都冇，點走？//
https://eastweek.my-magazine.me/main/101538
Search